Neste apartado indicámosvos algunhas das normativas que nos atinxen respecto á lingua galega, coas respectivas ligazóns á lexislación específica. Recordamos que a lexislación hai que respectala e o seu descoñecemento non exime do seu cumprimento.
Actualmente as máis importantes son (Última revisión 21/11/2011):
Regulamento Orgánico dos Centros Integrados de F.P.: Regúlase neste decreto o funcionamento e organización do CIFP A Granxa e, en consecuencia o propio funcionamento do EDLG e a promoción dos idiomas en xeral e da lingua galega en particular, sempre de acordo co Decreto 266/2007, do 28 de decembro, polo que se regulan os CIFP na Comunidade Autónoma de Galicia, a Lei orgánica 2/2006, do 3 de maio, de educación e o resto de normas que rexen o funcionamento dos centros públicos de ensino.
Decreto 77/2011, do 7 de abril, polo que se establece o Regulamento orgánico dos centros integrados de formación profesional competencia da Consellería de Educación e Ordenación Universitaria. (Dog nº 90, do 10 de maio de 2011).
Decreto do plurilingüismo: Neste decreto regúlanse o uso da lingua galega na administración educativa e o das linguas oficiais de Galicia no ensino non universitario na nosa Comunidade así como do uso progresivo e voluntario das linguas estranxeiras no ensino.
Decreto 79/2010, do 20 de maio, para o plurilingüismo no ensino non universitario de Galicia. (DOG núm. 97, do 25 de maio de 2010).
Lei de Normalización lingüística: Esta lei fixa os dereitos lingüísticos en Galicia e rexe o uso oficial do galego na Administración pública.
Lei 3/1983, do 15 de xuño, de Normalización Lingüística. (DOG núm. 84, do 14 de xullo de 1983).
Orde de Regulamento do CELGA: Mediante esta orde regúlanse os certificados oficiais de coñecemento dos diferentes niveis de lingua galega e as probas para obtelos.
Orde do 16 de xullo de 2007 pola que se regulan os certificados oficiais acreditativos dos niveis de coñecemento da lingua galega (Celga). (Dog nº 146, do 30 de xullo de 2007).
Corrección de erros.-Orde do 16 de xullo de 2007 pola que se regulan os certificados oficiais acreditativos dos niveis de coñecemento da lingua galega (Celga). (Dog nº 178, do 13 de setembro de 2007).
Aínda que a anterior é a máis importante, hai moita máis lexislación. Na seguinte dirección poderedes atopar máis cumprida información sobre a lexislación sobre o galego:
No hay comentarios:
Publicar un comentario