Andar de cebola é unha frase feita que so ten sentido na nosa lingua, e significa estar folgando, sen traballar. E, coma unha cebola, estamos aquí plantados, agardando a engordar coa túa participación.
lunes, 5 de mayo de 2014
Recoñecemento e agradecemento.
O novo EDLG composto por Javier Rodríguez López, Marcos Álvarez Veloso, Rosa María Guisado Reboreda, Raquel Cid Pérez, Miriam Patricia Vieira Martínez e coordinado por Iago Rosón González emprende unha nova andadura no presente curso escolar 2013/2014 coa ilusión de continuar coa difusión e coñecemento da nosa prezada e ben querida lingua galega.
Como novo coordinador do EDLG póñome o temón deste impresionante buque, bautizado co nome de "ANDAR DE CEBOLA", e fabricado nos estaleiros do meu predecesor e compañeiro Andrés Pose Pérez, ó que quero trasladar ós meus parabens pola inxeniosa idea que tivo e que de forma dinámica podemos empregar toda a comunidade. De seguro que foron moitas as horas de adicación a este blog, pero valeu a pena. Noraboa Andrés, a tí, e o resto do equipo que coordinaches, e moitas gracias polo tempo que invertiches conmigo.
Creando e botando a navegar este blog, fixeches o traballo máis duro, planificaches o trazado do camiño, realizaches desmontes e terrapléns, cementación, e finalmente empedraches. Agora eu tratarei de continuar co traballo iniciado, evitando que as silvas cubran este camiño que nos sirve de enlace para a toda comunidade, no cal as sinais están en galego.
Suscribirse a:
Entradas (Atom)